يارب يحميكي من العين.... يا زينة البنات والبنين
وشوية ملايكة يحرسوكي.... من كل اللي يحسدوكي
اللهم صلي ع النبي.... بنجاحك فرحتيلنا أمي وأبي
باركلنا يارب فيها... واحرسها من العين واحميها
فرحتيني يفرح قلبك... وما يخلي أبداً حاجة تعاندك
ويديكي كل اللي نفسك فيه.... ويرضيكي ويراضيكي بيه
وليكي عندي أحلى هدية..... مع إني والله مش غنية
ده انتي حبيبتي وأختي الغالية... الشطورة الجميلة المالية
عينا..بأربعة وتمانين ف الميه.... رفعولنا هاماتنا عالية
جبتلنا أربعة وتمانين.... وصوابعنا خرمت عين التخين
ذاكرتي يا جميلة طامعة... ف أحلى أيام ف الجامعة
وعقبال التخرج يا جميل.... ويبقى ليكي شأن جليل
No comments:
Post a Comment