العشق الممنوع

العشق الممنوع

طبعاً الفلاش اللي جه ف دماغكوا دلوقتي سمر

آآآآآآآآه يا وجع قلبك يا سمر

يلا مش حوارنا....

مش هنوجع قلبنا بسمر ومهند وعدنان

نرجع لمرجوعنا بقى

ليه يبقى فيه مهند من أساسه؟

(طبعاً مش كيفانشي تيتالونج ده)

ليه يبقى فيه واحد تاني؟ أو واحدة تانية؟

ليه الست بتخون جوزها؟

وليه الراجل بيخون مراته؟

الستات طبعاً هتقولك ع الرجالة أصل ديل الكلب عمره ما بيتعدل

والرجالة تقولك دي ست فاجرة بنت تيييييت تيتين تييييييييييييييييييييت

أولاً الخيانة دي حاجة صعبة جداً والزنا حرام و و و و و

فاحنا هنا مش بنحللها ولا بنقول انها حاجة مقبولة ف أي حال من الأحوال

نرجع بقى للأسباب:

يمكن يكون حد اختار حد تاني غلط.. اختيار غير صائب يعني

بس نرجع ونقول مهو نصيب

طيب يمكن العاطفة والشغف بتوع حب الجواز ماتوا

فالواحد بيدور على حب جديد ولا شغف جديد

أنا مؤمنة جداً إن محدش يقدر يعيش من غير حب إلا ف حالة واحدة

لو كان مش إنسان أصلاً

ولا مثلاً ده كان وهم حب بس حب الخيانة هو الحب الحقيقي

الحب ده فعلاً حاجة صعبة جداً..صعب نلاقيه.. وصعب نحافظ عليه...

ديفاين لاف

Define Love

Not

Divine Love

لأحسن حد يفهمني غلط

مش بنتكلم عن الحب الالهي كفا الله الشر

حب ايه اللي انت جاي تقول عليه

انت عارف قبلا معنى الحب ايه؟

ايه هو حب؟ يعني ايه حب؟

يا ترى هو فعلاً تفاعلات كيميائية بتحسسك بالفراشات في معدتك زي ما الأمريكان بيقولوا

وانك مزقطط زي ما المصريين بيقولوا

وماشي تغني وتتنطط ف الشارع: أحبك.. أحبك.. أحبك.. زي عبد الحليم

والعجلاتي يغني معاك وبياعة الخضار وأضف ليهم بتاع تذاكر المترو

أصل على أيام عبد الحليم مكنش فيه مترو

أكيد مش هتعمل كده وإلا الناس هتوديك السرايا الصفرا عدل... يااااااارااااااجل... ده كلام أفلام

ولا الحب ده إنك تحس إنك قريب أوي من حد فبتحبه ومتقدرش تستغنى عنه

ويرجعوا يقولولك لأ ده حب التعود مش حب الشغف (الباشيون)

ولا ده برضه كلام أفلام؟؟؟ مش واقعي...

فين بقى الواقعية والعقل والرزانة؟؟؟

مهو لو كان الحب عاقل ورزين وواقعي مكنتش سمر حبت مهند؟

ولا عملت عشانه المستحيل

مستحيل؟؟؟ فيه جرس رن ف ودنك دلوقتي؟؟

أكيد افتكرت رجل المستحيل أدهم صبري

ولا الحب المستحيل لكاظم الساهر

الغريب إن المستحيل ده مستحيل عشان يستحيل تحقيقه

دي الحكمة

والأغرب منه إن الناس لما بتسمع كلمة مستحيل بتتشد أكتر للموضوع

وتقولك أنا بقى هابقى رجل المستحيل وهأعيش الحب المستحيل

يمكن؟ امال لألألألألألألأ امال طبعاًً

نسيت أقولكوا

عايزين بس نتفق اتفاق:

أولاً: مفيش حاجة اسمها الحب الأول... لأن فعلاً ده وهم كبير أوي

حبك الأول هو حبك الأخير

الحب بجد الأول ولا الخمستاشر.. هو الحب اللي يستمر معاك ومتحبش بعده أبداً

الباقي ده بيبقى علاقات أو وهم أو تهيؤاااااااااات

واللي يحب مرة يحب اتنين وتلاتة وعشرة لحد ميلاقي الحب الأخير

ثانياً: محدش يقولي حب من طرف واحد

مقولة سخيفة جداً

ولما اسم الله هو من طرف واحد، يبقى حب ازاي؟؟؟

الحب هات وخد

مشاعر رايحة ومشاعر جاية

ده بقى يبقى اعجاب أو تخيلات أو تهيؤاااااااات برضه

نرجع لمرجوعنا

هاه يا سمر؟ ليه خنتي عدنان؟

عندك فلوس وعربيات وفساتين ميكروجوب وقمصان نوم حرير أصلي

مش مكفيكي؟

اااااااااااااااه هي مش مكفيكي دي....

بس مش مادياً

عاطفياً وج..... و و و و

مش بيقدرك

مش بيحبك كفاية

مش بيحبك بجنون

انتي مش أول أولوياته

شغله.. صحابه... ينام... ياكل..

انتي فين؟

حسيتي انك ولا حاجة؟

جه واحد تاني حسسك بقيمتك وكيانك وعنفوانك

خلاكي تنفعلي تنفجري ولا تقفي مثل المسمار

انتي عارفة ليه؟

انتي محللة عملتي كده ليه؟

انتي مفسرة ايه اللي حصل وصلك لكده؟

انت فاهمة؟

ماردتيش يعني

تبقي مش فاهمة حاجة

ولا أنا كمان....