عبد الناصر ولا فاروق؟

قعدوا طول عمرنا يشتمولنا في الملكية والملك فاروق

وازاي الضباط الأحرار الشجعان أنقذونا

والناس يقدسولنا عبد الناصر.... بلا نيلة

ده فاروق برقبتهم وكلهم شوية حرامية

سرقوا قصور الملوك ونهبوها وخدوها ف عبهم

وبعد ما كانوا فلاحين وفقرا كمان بقوا أصحاب أطيان وعندهم شغالين

وعيشة ما كانوش يحلموا بيها

لأ وقال ايه؟ عملوا للفلاحين فدادين خمسة .. خمس فدادين

سرقة علني والله

وأفكار شيوعية ولا ليها علاقة بالدين جايالنا من عند كاركس ولينين

وقانون طوارئ

وأمن دولة وبوليس سياسي

وناس تترمي ورا الشمس محدش يدرى عنهم حاجة

مفيش إلا السادات الله يكرمه اللي خرج الناس من المعتقلات

وقال ايه على كل ده ولسه خالتي بتحب عبد الناصر

وصحابها ف المدرسة زمان انتحروا لما عرفوا انه مات

من مكاني ده أعلن اني بكره عبد الناصر

وشايفة ان الناس ظلمت فاروق الغلبان

هيه صحيح امه كانت شرشوحة وودت اخواته ف داهية وخرجوا من الملة وبلاوي تانية كتيرة

بس ازاي يا جماعة فريدة اللي مصرية بنت مصريين تتبهدل كل ده

فين ارحموا عزيز قوم ذل؟

بعد الملك والهيبة تسكن ف اوضه فوق السطوح زي الشغالين

وبعد ما تسافر بره مصر تشوف بناتها يمنعوها من دخول مصر

وتعيش على الصور اللي بترسمها وتبيعها ف شوارع روما وباريس

وكمان لما مات عبد الناصر رفض رفضا باتا انه يدفن في مصر زي وصيته ما بتقول

لحد برضه ما وافق الله يكرمه السادات بنقل رفاته ف مسجد الرفاعي جنب ابوه وجده

انا فعلا بحب فاروق

انتوا ايه رأيكوا؟