وايش يحكي القلب الخالي؟
وايش يخفف عليه العذاب؟
وايش يحكي وايش يخلي
..........................
طبعاً الدوتس دي عشان أنا مابفهمش باقي الأغنية
سعاد ماسي
موسيقاها من أرقى ما سمعت في حياتي
ومش عارفة ليه أي لحن باسمعه ليها من قبل ما تتكلم
بادندن معاه بشجن غريب
وترتعش نبراتي في حزن وأسى
وبجد باحس إني حزيييييييييينة حزيييييييييينة
زي خيرية أحمد ف فيلم ده بتاع سميرة أحمد اللي كانت كدابة و و و
حزني ده نابع من ذكرياتي مع أنغامها وأغانيها
وكل الأحاسيس اللي حسيتها وقتها
حسيت بالحب والشوق الحزين
واللهفة المجنونة القلوقة اللي هتموت على اللي قدامها
أنا مش رومانسية أوي ومقدرش أقول على نفسي كده
بس في ناس كتير بتقول عليا رومانسية
سعاد ماسي ف حياتي كانت ف وقت كنت فعلاً حاسة فيه بالرومانسية
والحنان والأشواق وكل الكلام الحلو اللي انتو عارفينه
صديقاتي البناويت
يمكن عشان مات
ايه اللي مات؟
حلمي معاه؟
ولا شوقي ليه؟
ولا هو نفسه؟
مهما سمعتك يا سوووو مع أي حد وف أي وقت
مش باقدر أفتكر غير إنسان واحد وتوقيت واحد
وأنا باسمع اسطوانتك ف عربيته
وأنا باضحك معاه عشان مش فاهمة كلام أغانيها
عشان هي جزايرية
وأنا باعيط أو مقهورة أو مخنوقة
قد ايه حاجات صغيرة أوي بتفرق في حياة البني آدميين
وآآآآآآآآآآآآآآآه
واتوحشت اتوحشت اتوحشتك
شبعت الويل
واتوحشت ريحة مسك الليل
اتوحشت اللي عرفني سعاد ماسي
الله يرحمه
No comments:
Post a Comment