براعم باظت

من اسبوعين كده كنت جوه بانيم أنس

وأسمع بره صريخ وصويت

يا ماااااااامي
تعاااااااااااااالي

أجري ... أطييييييييير
لأحسن يكون جرالها حاجة
وقعت
ولا حد اقتحم الباب

ألاقي لولو مموتة نفسها من العياط

براعم باظت براعم باظت
التلفزيون ساعات بيهنج ويعمل
   لوحده  pause

حاولت أهدي من روعها باقولها أمك ماتت يا لولو؟

تقولي لأ مش مامي

براااااااااااااعم

بادو

في تمام الساعة الثالثة عصرا

الثانية بتوقيت المحروسة

عبر أثير براعم

فيل طريف وظريف 

صادق مخلص وأمين

يتسلق الحبال ويسابق الأسد

يمر عبر الأنفاق ويكتشف الآثار

رااااائع

يوم جميل

لولو تجري على أنس حتى لو كان بينام تقوله

بادوووووووووووو يا نوووووس

وترقص وتتنطط في حركات بهلوانية لولبية

بادوووووووووو

بحبك انت يا أموور

حبنا أحلى من حب حورس وحتحور

فاكر لما كنت بتقولي كده ف معبد ادفو المشهور

أيام خمس تيام عسلنا يا حبيبي.. مشكور

حبي ليك أكبر من إنه يتقال ف شوية سطور

وآه حقيقي.. عديت عشانك جبال وبحور

وتعبت فيك أوي ويشهد علينا الحضور

لأنك حبيبي وروحي وعمري فور شوور

انت يا عمري لقلبي وعيني النور

حبيتك من أول ما شفتك من دهور

وكلها كانت يدوب شوية شهور

ولبست دبلة تربطني بيك لحد ما تفرقنا القبور

جبتلك عليا وأنس ورا بعض بالدور

ليل نهار ف مطبخي أدور

أعمل جلاش ولحمة وأغسل حلل وقدور

أشوي كباب وأتبل فراخ: وراك وصدور

وأغسل وأمسح وألمع البيت زي البلور

أصحى بدري وبرضه أسهر لحد السحور

عيالك مشغلني لحد ما أنسى حتى الفطور

كل ده مش حب ولا ايه يا شطور؟

بحبك يا أحمد من غير ما نلف وندور

بحبك بحبك ولسه هاعديلك ألف سور

وهأقولها بعلو حسي من فوق جبل الطور

اللي كلم الله فيه موسى وف القرآن مذكور

بحبك وعارفة إني أغلى عندك من الحور

بحبك أوي وعارفة إن انت بيا فخور

بحبك بحبك ولسه هاحبك أكتر من غير فتور

بحبك بحبك وحبي ليك من الشجرة الجدور

يكبر حبي وتعشش انت ف قلبي يا عصفور

بحبك بحبك بحبك.. بحبك انت يا أمووور

وختاماً ربنا يبعد عننا الشيطان.. يارب يغور